ГРУППА «КҮНЧЭЭН»

Воспитатели: Никифорова Зинаида Семеновна

                           Илларионова Ульяна Гаврильевна

Учитель-логопед: Прокопьева Марианна Анатольевна

Олунньу 20 күнүгэр №23 «Цветик-семицветик» уһуйааммытыгар Аҕа дойдуну көмүскээччилэр күннэрин, бөлөхтөр икки ардыларыгар бэлиэтээн аастыбыт. Ол курдук биһиги «Күнчээн» улахан бөлөх оҕолоро бу күн туора туран хаалбака олус үөрүүлээхтик, долгутуулаахтык кытынныбыт. Үгэс буолбут, строевой хаамыы буолан ааста. Бөлөхтөр бары олус бэлэмнэммиттэр. Биһиги бөлөх, халлааҥҥа көтөр летчиктар буолан хаамтыбыт, ыллаатыбыт. Хамандыырбыт Ядреев Айсен, дьиннээх хамандыыр курдук. Рапорт эттэ. Оҕолорбут кылгас кэм иһигэр туохха үөрэммиттэрин, тугу сатаабыттарын көрдөрөн үөртүлэр. Аан бастаан оҕолор слайдаҕа байыаннай техникалары көрдүлэр, билэллэрин эттилэр, таайдылар. Ыалдьыттар, үлэһиттэр иннилэригэр ырыа ыллаан иһитиннэрдилэр. Аралдьыйыыны эт-хаан өттугэр эрчийэр, улэһиттэрбит  Валентина Никитична уонна Роман Сергеевич иилээн саҕалаан олус үчүгэйдик, сэргэхтик ыыттылар, моһоллору туоруур байыаннай онньуулары оонньоттулар, сүүрдүлэр-көттүлэр. Түмүгэр биһиги «Күнчээн» бөлөх оҕолоро «Лучшая экипировка отряда»- диэн номинацияҕа тиксэн үөрдүбүт- көттүбүт. Аны буолаары турар кыайыы 75 сылын  көрсөргө бэлэмнээхпит- диэн түмүк тылбытын этэбит.